呢件事唔打xg真係對唔住自己.........= =+ ---------------------------------------------------------- 事發於2008年5月7號.......下午8點3x分 我去完剪頭髮.... 屋企冇野食..... 諗住去間華潤萬家睇下有冇野買黎煮 入到去走圍望望 唔夠一分鐘已經覺得唔妥 因為我見到有個職員好似係咁跟住我咁 但係又覺得應該唔關自己事 then繼續睇野.... 之後見到d野貴到喊....(午餐肉成$3x一罐囉!!!!) 走人..... 未到門口 無啦啦俾3個職員截住左 嚇親 + O咀 + 無奈....... 3個職員裡面 得一個係咁係度多多野講 以下稱職員A 職員A : "先生等一陣, 我地係閉路電視見得好清楚" DOY : "下 做乜事" 職員A : (指住地下一架手推車 , 上面有一箱洗頭水) "咁唔知你依家知唔知咩事呢?" DOY : "下 唔知喎" 職員A : "我地全部都睇到晒 你做d乜應該自己好清楚" DOY : "我做過d乜牙咁" 職員A : "總之我地就見到你同你一個朋友入裡之後做左D野啦" DOY : "咩朋友牙 我自己一個入黎咋" 職員A : "得啦 總之我地會報左警先 等警察黎左先再決定點樣" DOY : "無啦啦報咩警牙 我做左D乜牙" 職員A : "唔駛講啦 先生你唔走得住 麻煩你跟一跟我同事去個度等陣" DOY : "唔麻煩 我都冇得揀架啦" 跟住我俾人帶左入一間職員既儲物室 另外有個職員係度睇實 15分鐘後............警察到左 警察 : "拿 你知唔知發生咩事?" DOY : "我淨係知我入到黎一陣走個陣就俾人屈囉" 警察 : "咁你有冇做過?" DOY : "我連乜事都未知又點知做乜牙阿SIR" 警察 : "依家超市職員就懷疑你同你既朋友一齊偷野 點都好 去左差館先" DOY : "(超火爆咁講) 我自己一個又點有個fd一齊牙依家" 警察 : "得啦 去左差館先講" 之後俾人帶左番差館 第一次坐警車-口- 又緊張又興奮-v- 到左差館之後.....原來係懷疑我同個所謂的fd 扮晒野將幾樽洗頭水入落紙皮箱 然後扮係自己既野推出超市 佢地拎番超市餅閉路電視錄影帶黎睇 我心諗....你一早就應該係超市睇啦 要特登黎差館先睇到咩 心情極度火爆 + 不爽 + 想殺人中 之後睇番........係段片入面睇到下面幾樣野 d疑點 基本上可能證明間超市d職員個個唔死都冇用 1. 所謂既fd 係一個我入左去之後成1-2分鐘先行入去既人 都唔知邊個黎 隔左成分鐘 點樣見到我同佢兩個一齊入黎? 2. 我入間超市都唔夠5分鐘就走人 我點樣係呢後時間內搵d洗頭水放係邊度 然後又可以咁快就裝晒入個紙皮箱 再放上手推車紮好條繩再推走? 3. 仲有呢個.....真係屌你老味 我入去個陣隻手淨係拎住部手機 我何來入到去之後多左架手推車同紙皮箱牙仆街 事後證明我根本同件事一d關係都冇 當然放我走 走之前 有件事一定要做番 就係搵番個職員A 屌到佢老母都唔認得佢 (心情超火) 我咁大個仔都未試過 真係第一次 當街狂爆粗大大聲聲鬧一個人 佢係咁係度"唔好意思" , "對唔住" 咁就得既話唔駛有法律啦撚樣 無可奈可之下 自己行番屋企...... 我得閒一定再去番間華潤萬家 我想睇下個3個職員見到我會有咩反應 同埋再去串鳩條死撚樣 (職員A) --------------------------------------------------------------------- 其實事後仲有一短小插曲......不過係唔開心既野... 不過依家冇事啦~~~ 期待每一次可以見面既時間 P.S. I really love you (抄下套戲先-v-) |